The XexeX's

XexeX's Blog

Sort by: Most Recent | Most Viewed | Most Commented

  • Blog 重開

    前排因為Server Down左，壞底板，所以連個Blog都Down埋，唯有搵平時用開部925D做番Server，但要重裝過Windows Server。其實都係好事，因為之前個Windows Server 2003係唔可以Windows Update，而家裝Windows Server 2003 R2就可以Update番。 Blog方面，就由CS2007 Upgrade左做CS2008，其實舊Data係可以救得番，不過唔想救。因為覺得，都係時候放低以前既野，黎一個新開始。 新Blog會Import番Spaces果邊既Post...

  • 從二十幾走到三十幾

    從二十幾走到三十幾後… 由 暢遊異國放心吃喝 變成 庸碌一世沒遺憾 由 情和慾留待下個化身燃燒 變成 若能不執著你誰不懂去互吻 由 原來過得很快樂 變成 扮開心果也夠辛酸 聽完「再見二丁目」後，再聽「化」o既感覺係，由「睇淡」變成「睇化」。廿多歲，失戀後可以散散心，再去搵過個。三十多歲後，經驗了太多「睇淡」，開始「睇化」了。 三十歲，究竟應該點去面對感情？

  • 化

    別離未算久 別漫談如摯友 令清修的我再失守 別凝望太久 令面容如刺繡 像一針一血的引誘 一巴一巴 情感打不化 沒碰著你再愛誰未算假 何必擔心下半生 何苦不信任緣份 談多幾次心 自然就似情人 唯有甘心 無需等的別要等 庸碌一世沒遺憾 人家不費心亦能恩愛互吻 誰說別人未襯 淚還未轉圈 便被人嫌我怨 扮開心果也夠辛酸 舊情未算短 令別人如副選 像他的衫也該 你穿 收得多花 遲早火花都化 未信共對上百年未愛他 何必擔心下半生 何苦不信任緣份 談多幾次心 自然就似情人 唯有甘心 無需等的別要等 庸碌一世沒遺憾...

  • 再見二丁目

    滿街腳步　突然靜了 滿天柏樹　突然沒有動搖 這一剎　我只需要　一罐熱茶吧 那味道　似是什麼　都不緊要 唱片店內　傳來異國民謠 那種快樂　突然被我需要 不親切　至少不似　想你般奧妙 情和調　隨著懷緬　變得蕭條 原來過得很快樂 只我一人未發覺 如能忘掉渴望 歲月長　衣裳薄 無論於什麼角落 不假設你或會在旁 我也可暢遊異國　放心吃喝 轉街過巷　就如滑過浪潮 聽天說地　仍然剩我心跳 關於你　冥想不了　可免都免掉 情和慾　留待下個化身燃燒 原來過得很快樂 只我一人未發覺 如能忘掉渴望 歲月長　衣裳薄 無論於什麼角落...

  • 高清組合

    為o左睇奧運，一個月前待登去買o左高清電視，開頭仲驚我住o個棟大廈會收唔倒，又驚之前有線電視條天線睇唔到高清，好彩最後都係睇到。 電視 原先諗住平平地買部三叔40吋就算，但諗o下諗o下，都係買部好少少，加上去電器鋪睇過，三叔除o左6系好o的之外，其他都麻麻都，所以左揀右揀，最後都買o左Sony X300，貪去有Motion Flow，o的色都算幾自然，不過個Spec就差o左o的，加上係上年o既Model，開頭都驚會唔會冇其他新Model咁靚，但肉眼睇過後，發現Spec呢樣o野真係唔好盡信，自己去電器鋪睇o下...

  • 私隱線

    成日都見人搭緊車時，好大聲咁講電話。我自己就好憎呢種行為，迫成車人聽你廣播，有時連聽MP3都聽唔倒，所以我而家買Headphone都會買入耳式，隔音好o的。 之前去日本，睇到日本人o係車箱入面只用SMS，唔會用電話通話，真係有o的佩服，唔知香港人幾時先識呢種禮儀？ 作曲: 周博賢 編曲: 周博賢 填詞: 周博賢 眾搭客結集在列車艙 一個個對坐 有部份 渾沌睡眼空晃晃 部份用辦法自娛埋藏 卻永遠發現著電話幫 三個至四個 坐附近 利用電話跟死黨 漠視著大眾高聲傾講 股海怎麼翻波 親戚怎麼囉唆 張添福朱小冰相戀的經過...

  • Appcrash

    尋日忽然上唔倒網，手痕諗住用Windows o個網絡修復功能試試(即Right Click網絡連線)。點知修復完就仲衰，連開Firefox都出Error，話Appcrash錯誤，開MSN就自動關閉，又係Appcrash有問題，只得IE 64bit先上到網。上網睇o左成晚都搵唔倒解決方法，就咁成晚冇乜點真正上個網呀。 今日，終於都俾我搵到咩問題。原來係Winsock有事，所以開咩上網o既程式都會出Error。試試人手Reset Winsock後，終於都OK番，而家上得網呀。 如果有朋友用緊x64 Vista...

  • 天降咸書

    記得以前，巴士仲係熱狗o個陣，好多時我都會坐巴士上層。當巴士埋站時，有時會見到巴士站上蓋有o的成人雜誌o係上面，有o的仲唔知放o左o係度幾耐，已經俾太陽晒到變晒色。 唔只巴士站，就算已前行行下街，都會見到有好心人將o的咸書一頁一頁咁撕落街，都幾壯觀。我就試個o係中學見到有幾頁飄o左o黎我o地學校，當時真係好哄動。 唔知點解，呢幾年已經好少見到天降咸書。雖然話而家互聯網發達，大部份人都上網睇相成分享相片(分享只限朋友)，但我見個街都仲有好多咸書，由傳統o既蛇貓狗，到介紹夜晚去邊o既「夜x王」，及「Friday周刊...

  • 辭工‧新工

    7月，離開o左做o左6年o既城大，經過幾日唔使返工o既日子，上星期三o係新工司上班。 唔少朋友問我點解離開城大，話晒大機構，福利又好。但亦唔少離開城大o既同事知道，城大其實都唔係想象中咁好。 好唔好我唔o係度比較呀，始終因人而言。我離開城大o既主要原因，係因為對某o的事同人感到心淡。其實一直都對某o的做法唔係咁認同，但無奈呢o的做法又好適合我o地Department風格，於是乎，做10倍功夫，都冇1倍成效，你話灰唔灰。最後，正如我一直所講，你係得呢度做就要接受，唔可以抱怨，除非你選擇離開，所以，我就離開o左工作6年o既城市大學...

  • 圍。城

    又是一套圍繞天水圍問題的電影，故事不算特出，只是將連串悲劇交織成一套電影。報紙上那些獸父、二奶倫常家庭悲劇，惡勢力入侵校園，青少年吸毒等等問題，都可以在電影中找到。但電影影大部份時間只圍繞5位問題青年及其家人，沒有特別描寫其他人的睇法，對社會整體影響，感覺上只是一般問題青年電影，有點似以前的看過的「無人駕駛」及「惡勢力」。 電影不算太好睇，那些所謂社會問題也早已報導過，電影中也找不到解決問題。 我不是居住於天水圍，不知問題是否如電影所講那麼嚴重。以上問題，相信並不只天水團有機會發生，屯門會，東涌會...

  • 騎呢團

    我叫做XexeX，雖然冇X-Japan咁型，但起碼出街唔會因為個樣衰到唔打唔得咁o丫，但是近俾我見到有個組合居然用個X字，但… o拿，唔係呃你o地呀，真係要幾騎呢，有幾騎呢，連人o地冇o既，佢o地都俾到你。 呢班「X」叫做「台灣新柒少 Χ型男團體」，真係人如其名。 醒多張Poster俾大家，可以Print出o黎貼o係夾萬出面，保證冇人敢偷！ P.S.% 如果以上內容令大家不安的話，請告知在下，定必短期內刪除。

  • 零八關西之回程篇

    今日原定11點Check Out，不過浸完溫泉後先睇到11:23有JR特急，如果錯過o左呢班就要等一個鐘，所以我o地o拿o拿聲執行李。不過離開前發生o左o的小問題，搞到11:10先走得，所以都係趕唔倒班車。 天山閣雖然係遍遠o左o的，不過宿客去同走o個程都有免費車，我o地走o個程車仲送到我o地去白濱車站，如果搭的士都要過百港錢o架，真係好Service。由於遲走，所以我o地去到車站都成11:30，班車已經走o左，不過可以慢慢o黎，首先雞同鴨講咁同個售票員買車飛，佢o地又係唔識英文o架，不過就預備好o晒o的寫o左英文o既紙仔...

  • 零八關西之溫泉旅館篇

    今次旅行o既重點之一，就係我o地今日會住o既白濱溫泉旅館 - 天山閣海遊庭。呢個亦都係我o地最貴o既一晚房租，因為旅館設有私人風呂，可以o係私人空間入面，一面浸溫泉，一邊欣賞白濱景色，不過就Double價錢。 由千壘敷返到旅館都成6點幾，職員亦都將我o地o既行李擺o左入房，真係好Service。入到房，同我之前上網睇o既差唔多，係和風房，不過就俾想象中大，同現代化。未去之前，我其實都幾擔心會唔會冇廁所，因為我睇過漫畫，有o的溫泉旅館係要共用廁所o既。但我o地間房唔止有廁所，仲要分開沖涼、洗手化妝...

  • 零八關西之白濱景點篇

    呢篇雖然話係白濱景點篇，但講出o黎有o的失禮，因為落雨關系，我o地只係去過三段壁同千疊敷呢兩個景點咁大把。 (白濱地圖，都幾多景點，可惜我o地冇時間睇o晒) 坐免費車去到天山閣海遊庭後，去接待處Check In先，呢度o既職員正如我所料，係唔識英文o既，不過我俾番張Confirmation Latter佢睇之後，佢起碼都知我o地o黎Check In先。原來天山閣o既Check In時間係3:00，所以未有得入房住，其實都預o左o既，所以我o地就請佢幫我o地Keep往o的行李先，我o地就去三段壁同千疊敷行o下...

  • 零八關西之白濱起程篇

    今日係關西之旅第5日，呢一日我o地會離開大阪，往日本出名o既溫泉區之一 - 白濱。 之前原先諗住去有馬浸溫泉，但有馬o個邊住宿好貴，而且私人風呂係望唔倒海，所以最後都選擇o左白濱。白濱係位於和歌山o既南面，由大阪搭JR去白濱要2個鐘，而搭巴士就3個鐘。最初其實都諗住搭JR，但車費實在太貴，要5,000一程，而巴士只係2,700，差唔多平成一半，仲唔使轉車，一程車即達。不過，去白濱o既明光巴士要預早買飛，我試過o係香港經Internet訂飛，但佢要出發前10日到Lawson俾錢，所以最後我都Cancel...
1 2 3 4 5 Next > ... Last »
Powered by Community Server (Non-Commercial Edition), by Telligent Systems